domingo. 05.04.2020 |
El tiempo
domingo. 05.04.2020
El tiempo

A banda Os d'Abaixo presentou en Lugo a súa investigación sobre as aves

Os d'Abaixo interpretan un tema do seu último disco na Capela de Santa María. J.VÁZQUEZ
Os d'Abaixo interpretan un tema do seu último disco na Capela de Santa María. J.VÁZQUEZ

O grupo, formado por exmúsicos de Berrogüetto e Fía na Roca, deu un concerto con temas do álbum 'Quixera ser dos paxaros'

LUGO. A banda folk Os d"Abaixo presentou en Lugo Quixera ser dos paxaros o seu segundo disco, composto por temas provintes dun traballo de investigación ao que tamén se dedica habitualmente a banda. Trátase dun álbum máis intimista que o anterior, onde «o compoñente estético ten moito peso, tanto na selección de letras como no deseño gráfico e a fotografía», segundo indicaron fontes da banda.

A agrupación —formada por músicos de dous dos grandes referentes da música en Galicia: Berrogüetto e Fía na Roca—, deu o seu concerto na Capela de Santa María dentro do programa MúsicaAD.

Os d"Abaixo reuníronse no ano 2010 co obxectivo de promover e animar bailes e festas tradicionais na contorna de Compostela. O seu repertorio recolle algunhas das pezas populares máis coñecidas da música galega xunto con novas achegas de fontes tradicionais e outras que son de nova composición.

A súa pretensión é «ofrecer unha escolma de música cargada de forza e enerxía que leve ao baile e á foliada a ser bailadas e celebradas ao xeito de antes. Son un gupo no que se atopa xente que toca por afección e leva toda a vida vencellada ao folclore galego, xunto a músicos profesionais de gran traxectoria en bandas como Berrogüetto ou Fía na Roca.

Os d"Abaixo teñen tocado ennumerosas festas e festivais de Galicia; pero tamén fóra dela, en lugares como o Festival de Músicas do Mundo, da navarra Etxarri Aranaz; o Festival Le Grand Bal de l"Europe, de Gennetines (Francia); o Festival Intercéltico de Lorient (Bretaña), e o Calan Mai, festa da primavera celta de Gales.

En 2014 edítase o primeiro disco do grupo Ao vivo en Lorient, que recolle 16 pezas gravadas nos concertos feitos en 2013.

A banda Os d'Abaixo presentou en Lugo a súa investigación sobre as...
Comentarios