'Amigos ata a morte', a comedia romántica de Xosé Touriñán, David Amor e Ledicia Sola

A obra teatral, dirixida por Javier Veiga, estrearase o próximo 15 de outubro en Pontevedra
Cartaz de 'Amigos ata a morte'
photo_camera Cartaz de 'Amigos ata a morte'

¿Que farías se a túa parella decidira deixarte? ¿E se marchase co teu mellor amigo? Estas dúas pregunas respóndese en Amigos ata a morte, unha comedia teatral protagonizada por Xosé A. Touriñán (Tourilandia, Land Rober, Era visto), Ledicia Sola (Pazo de familia, Amar es para siempre) e David Amor (Gym Tony, El Club del Chiste, O Rei da Comedia), dirixida polo polifacético Javier Veiga (El Club de la Comedia, El año de la garrapata).

Tratase dunha obra sobre a amizade e o amor, e sobre como estes dous sentimentos poden causar situacións ben problemáticas se se mesturan. É o que lles acontece a Nacho, Ángel e María, os tres protagonistas desta comedia, tres amigos inseparables aos que un xiro inesperado porá patas arriba as súas vidas.

Amigos hasta la muerte estreouse en 2009 en Madrid e foi representada máis de 300 veces en 40 cidades de todo mundo. Tras catro exitosas versións protagonizadas por actores da talla de Jorge Sanz, Melanie Olivares, Marta Hazas ou o propio Javier Veiga, esta comedia chega agora a Galicia, da man destes tres populares actores galegos.

Con esta obra percorrerán a xeografía galega ao longo do mes de outubro, comezando os días 15 e 16 no Teatro Principal de Pontevedra. O día 17 estarán no Teatro Afundación de Vigo, o 22 e 23, no Principal en Santiago, o 24 no Colón da Coruña, o 25 no Jofre de Ferrol e os días 30 e 31 no Principal de Ourense.

Comentarios