martes. 24.05.2022 |
El tiempo
martes. 24.05.2022
El tiempo

As castrexas do Arde Lucus serán recoñecidas en Fitur

Lara Méndez posa cunhas castrexas na pasada edición do Arde Lucus. EP
Lara Méndez posa cunhas castrexas na pasada edición do Arde Lucus. EP
O presidente da Xunta presenta hoxe na xornada inaugural da mostra o Xacobeo 2021-2022 o xeodestino Ancares Terras de Burón poñerá en valor o seu novo produto, Micropaisajes

A Feira Internacional de Turismo (Fitur) reunirá, desde este mércores e ata o día 23 en Madrid, o mellor da industria turística internacional. A provincia de Lugo aproveitará a súa presenza neste escaparate para mostrarse como un destino capaz de satisfacer aos que buscan grandes espazos abertos e unha forma máis sostible de coñecer o territorio.

Estes son, precisamente, os principais argumentos cos que o xeodestino Ancares Terras de Burón acode a Fitur. A través dun innovador produto, denominado Micropaisajes, busca atraer a atención daquelas persoas que buscan natureza en estado puro e unha forma de coñecer a contorna dun modo pausado e próximo.

Conformado polos concellos que están integrados no GDR Montes e Vales Orientais, a finalidade é facer do ecoturismo unha peza importante no desenvolvemento económico da comarca.

O Concello de Palas de Rei tamén terá un papel moi activo en Fitur. O seu rexedor, Pablo Taboada, estará presente en reunións como as da Rede de Destinos Turísticos Intelixentes, na presentación do Xacobeo ou na de Monumentos de España, onde se encadra a promoción do castelo de Pambre ou a igrexa de Vilar de Donas.

A MARIÑA. A Mancomunidade de Concellos da Mariña Lucense presentará en Fitur a entrada en vigor do plan de sustentabilidade turística, que se basea en cinco eixos programáticos desenvolvidos en 18 liñas de actuación e contará cun investimento de 2.225.000 euros.

Será o venres, ás once da mañá, e contará coas intervencións do presidente da Mancomunidade, Fran Cajoto; a directora de Turismo, Nava Castro, e o presidente da Deputación, José Tomé. Ademais desde este mesmo mércores o ente supramunicipal concertou reunións con operadores turísticos co obxectivo de presentarlles toda a variedade de recursos, produtos e servizos turísticos do xeodestino. Tamén están previstas reunións con empresas especializadas e de tecnoloxías con posibilidade de aplicarse no territorio.

As persoas que acudan a Fitur poderán atopar información da Mariña e as súas concellos no módulo provincial de Lugo no expositor Turismo de Galicia.

PRESENTACIÓNS. O presidente da Xunta, Alberto Núñez Feijóo, acompañado do vicepresidente primeiro e conselleiro de Presidencia, Xustiza e Turismo, Alfonso Rueda, e da directora de Turismo de Galicia, Nava Castro, presidirá este mércores ás 13.30 horas a presentación do Xacobeo 2021-2022. O acto poderase seguir por streaming nesta ligazón.

Pola súa banda, o presidente da Apehl, Cheché Real, presentará a partir das 18.30 de hoxe na caseta de Galicia a décimo cuarta edición da guía turístico gastronómica da provincia "...E para comer Lugo".

Premio pola visibilización das mulleres castrrexas no Arde Lucus
O Concello de Lugo recibirá en Fitur o Tourism Women Friendly, un galardón que recoñece a visibilización das castrexas no Arde Lucus e o protagonismo da muller nesta festa de recreación histórica. A alcaldesa de Lugo, Lara Méndez considera o galardón "unha honra". A entrega do premio será o venres, ás 12.00 horas no Ifema.

Deputación de Lugo
A Deputación Provincial de Lugo presentará mañá en Fitur, a partir das 16.00 horas, a súa campaña de turismo para a provincia. O acto poderase seguir en directo por internet.

As castrexas do Arde Lucus serán recoñecidas en Fitur
Comentarios