lunes. 19.04.2021 |
El tiempo
lunes. 19.04.2021
El tiempo

Foz, Chantada e Vilalba albergarán proxeccións de varias finalistas dos Mestre Mateo

Presentación nos xardíns do Pazo de San Marcos do ciclo de proxeccións. EP
Presentación nos xardíns do Pazo de San Marcos do ciclo de proxeccións. EP
A iniciativa está impulsada pola Deputación de Lugo e a Academia Galega do Audiovisual

Foz, Vilalba e Chantada contarán coa proxección de varias películas finalistas dos XIX Mestre Mateo grazas a unha iniciativa posta en marcha pola Vicepresidencia da Deputación e a Academia Galega do Audiovisual. Os veciños das tres localidades lucenses poderán ver A Illa das mentiras, Arima, Lúa Vermella e Ons, candidatas na categoría de Mellor longametraxe

Os primeiros pases celebraranse na casa da cultura de Foz entre o 6 e o 9 de abril —O día 6 proxectarase Lúa vermella; o 7, Arima; o 8 A illa das mentiras e o 9, Ons—. As datas das proxeccións en Vilalba e Chantada, programadas para maio, anunciaranse nos vindeiros días. 

Maite Ferreiro, vicepresidenta da Deputación e responsable de cultura, e Pepe Coira, vicepresidente da academia, presentaron o ciclo de proxeccións acompañados por Marisa Barreira, presidenta do Iescha, e Mercedes Vázquez, de Airoá Comunicación.

"A iniciativa concorda co obxectivo dos Mestre Mateo que pretenden ser un escaparate para o conxunto do audiovisual galego. Este ciclo permítenos dar a coñecer e poñer en valor o que se está a facer, especialmente nun ano coma este no que a pandemia condicionou a actividade nas salas comerciais", explicou Jorge Coira. 

"É a primeira vez que desde a institución provincial se aposta por unha iniciativa coma esta, que contribuirá á difusión e ao recoñecemento do cine feito no país", asegurou Maite Ferreiro.

Foz, Chantada e Vilalba albergarán proxeccións de varias finalistas...
Comentarios