Agárdanse choivas e tronadas ocasionais para este domingo

As temperaturas mínimas ascenderán lixeiramente e as máximas manteranse

Los paraguas volverán a ser protagonistas en la ciudad. PEPE TEJERO - Lluvia
photo_camera Este domingo os paraugas volverán a ser protagonisitas. PEPE TEJERO

Nebulosidade e choiva intermitente e ocasionalmente treboenta, son as notas destacadas do tempo previsto para a xornada deste domingo, segundo informa Meteogalicia.

O instituto meteorolóxico prognostica que a comunidade rexistrará a influencia de baixas presións con vento moderado de compoñente oeste.

As temperaturas mínimas ascenderán lixeiramente, mentres que as máximas non terán cambios significativos. Na capital lucense prevense 5º de mínima e 15º de máxima, ao igual que nos concellos do interior da provincia como Monforte de Lemos. Na Mariña, en concreto en Viveiro, as temperaturas serán máis cálidas situándose a mínima nos 8º e a máxima nos 17º, segundo recolle Aemet.

Respecto á situación na costa lucense, o vento soprará do suroeste e do oeste variable con forza 2 a 3, con mar ovellado, visibilidade de boa a regular e con ondas de 1 a 2,5 metros.

A cota de neves situarase nos 1200 metros.

Comentarios