Xuvenil
O conxunto xuvenil do Balonmán Apartamentos Turisviveiro certificou este domingo a súa clasificación matemática para loitar polo título da Liga Prata, que van xogar os dous primeiros clasificados dos tres grupos, e entrar na final a catro galega cos mellores equipos da máxima categoría. Ademais, os viveireses lograron ser o primeiro equipo que puntúa diante do Balonmán Culleredo Óptica Gallaecia, co que empataron a domicilio: 26-26.
Os da Mariña arañaron este punto a pesar de que se presentaron con tan só 8 xogadores á cita en Culleredo. Non obstante, os de Adrián Freiría foron quen de irse ao descanso con cinco goles de renda (10-15) e no segundo tempo acusaron o desgaste físico pero puideron aguantar o punto que lles serve para asegurar a segunda praza.
Pola contra, nova derrota das xuvenís, a cuarta consecutiva, que caeron na casa co Meaño malia comezar por riba e dominar no intermedio do xogo.
CULLEREDO 26 - 26 VIVEIRO
CP LUCENSE 29 - 37 MEAÑO
Cadete
Cuarta vitoria consecutiva para os cadetes que colideran a clasificación xunto ao Atlático, os dous con 8 vitorias e dúas derrotas. A posición de privilexio do equipo lugués déixoo case listo para situarse na segunda fase na loita polo título.
CP LUCENSE 37 - 25 RIBADOSAR
Infantil
Os e as infantís seguen dominando os grupos de prata do balonmán. Elas foron de novo incuestionables e venceron 10-22.
Eles foron tamén inflexibles e seguen amosando que están aí para quedarse no liderado. Seguen colleitando puntos, teñen a totalidade dos posibles e non dan tregua.
LICEO LA PAZ 12 - 28 CP LUCENSE
XIRIA 10 - 22 CP LUCENSE
Alevín
Nova derrota do CP Lucense, que se mantén sétimo na xeral e que acumula 3 vitorias e 7 derrotas no que vai de curso.
O sábado pola mañá o Viveiro alevín mixto disputaron no Pavillón do CPR Liceo La Paz en A Coruña a 9° xornada correspondente a Liga Regular Grupo Único ABC Norte. Disputaron o primeiro encontro contra o Colegio Liceo La Paz Blanco, cunha derrota por 4-12 e o segundo encontro o disputaron contra o BM Ribadosar.es cun resultado final de 9 - 7 a favor dos locais.
CP LUCENSE 6 - 10 XIRIA FEM B
VIVEIRO 4 - 12 LICEO LA PAZ
RIBADOSAR 9 - 7 VIVEIRO
Benxamín
Os benxamíns disputaron esta fin de semana tamén dous partidos. O primeiro encontro contra o Colegio Liceo La Paz Verde rematou cunha derrota por 9 - 7. O segundo encontro o disputaron contra o Colegio Liceo La Paz Blanco, cun resultado final de 9 - 7 a favor dos mariñaos.
VIVEIRO 9 - 7 LICEO LA PAZ VERDE
VIVEIRO 9 - 7 LICEO LA PAZ BLANCO
