Xuvenil
A segunda fase do conxunto xuvenil do Balonmán Apartamentos Turisviveiro non se celebrou finalmente esta fin de semana, xa que o equipo da Cañiza, o primeiro rival, pediu un aprazamento do duelo.
Si venceu esta fin de semana o CP Lucense feminino, que cun marcador de 27-23 puido sumar tres puntos moi necesarios na segunda vitoria consecutiva tras unha xeira de derrotas. As luguesas recuperan deste modo a sétima praza da competición e están empatadas a puntos coas sextas.
CP LUCENSE 27 - 23 CASELAS
Cadete
O CP Lucense recuperou o seu duelo co Culleredo da pasada fin de semana e caeu por un gol de diferenza a domicilio rompendo a progresión de vitorias coa terceira derrota da tempada. Aínda así, o equipo mantén a segunda praza da competición.
CULLEREDO 31 - 30 CP LUCENSE
Infantil
O infantil do CP lucense celebrou o segundo partido da segunda fase con outra abrumadora vitoria sobre o OAR Coruña. O conxunto lugués está no grupo que pelexará polas 9 primeiras posicións da Liga. Venceron os de verde 34-5 ante o seu público dominando sen piedade.
A categoría feminina, á que lle faltan tres duelos por celebrarse para o final da liga, tivo descanso esta fin de semana. Miran dende o liderado ao resto de equipos empatadas co Atlático a puntos.
