sábado. 16.10.2021 |
El tiempo
sábado. 16.10.2021
El tiempo

A troita curada protagoniza o 'Saborea a túa provincia' na xornada da Fonsagrada

undefined
Pablo Vila preparando un dos pratos da demostración culinaria. XESÚS PONTE
Puxéronse en valor outros produtos con recoñecemento de calidade da zona como os embutidos, o mel ou o pastel típico da vila

O programa itinerante Saborea a túa provincia, impulsado pola Deputación de Lugo, fixo onte a súa parada na Fonsagrada, onde o produto protagonista foi nesta ocasión a troita.

Houbo unha demostración culinaria a cargo de Pablo Vila Cano, do restaurante Oca, na que se empregaron os alimentos máis característicos da zona. O menú consistiu en troita curada, brioche e ali oli de escabeche, sopa de mel e vainilla, biscoito de limón e migas de chocolate. Ao remate os asistentes tiveron a oportunidade de xulgar eles mesmos os resultados e saborearon estes pratos. Realizouse tamén un obradoiro de cociña infantil no que os nenos e nenas participantes realizaron as súas propias elaboracións seguindo as indicacións dos cociñeiros.

Houbo unha demostración culinaria a cargo de Pablo Vila Cano, espectáculos de maxia e música e un programa divulgativo

Nesta xornada puxéronse en valor os alimentos de calidade elaborados por produtores da Fonsagrada, como os embutidos - especialmente o butelo -, a carne de vacún de crianza ecolóxica, o mel moi valorado pola súa cor e sabor, a cervexa de elaboración tradicional ou o pastel da Fonsagrada, coa améndoa e a crema pasteleira como ingredientes principais.

Da parte máis divulgativa encargouse Verónica Marcos, presidenta de Fademur e secretaria de igualdade de Unións Agrarias, que falou da posición das mulleres no rural e no sector agroalimentario e destacou a importancia de consumir produtos de proximidade.

A pesar das altas temperaturas a xornada foi animada, e houbo espectáculos de maxia e música. O Mago Rafa, a asociación local Antaruxas e Sorteiros e o grupo Atlántica dinamizaron coas súas actuacións esta xornada gastronómica e lúdica, que buscou poñer en valor a calidade e variedade dos produtos locais.

A troita curada protagoniza o 'Saborea a túa provincia' na xornada...
Comentarios