Os usuarios da residencia de Xove contaxiados soben a 23 tras detectarse 12 máis

Os casos nestes centros dispáranse con 78 positivos e dous novos brotes en Ribeira e Tui
Realización de las pruebas del covid-19 en la residencia de Xove. EP
photo_camera Realización de las pruebas del covid-19 en la residencia de Xove. EP

O impacto da pandemia nas residencias de maiores da comunidade galega crece este xoves tras notificarse 78 novos positivos, 51 deles procedentes de dous brotes detectados en residencias de Ribeira e Tui. Ademais, a residencia San Bartolomeu de Xove informa de 12 novos casos dos seus usuarios, entre os que hai 23 contaxiados. Hai 12 traballadores infectados.

Dúas semanas despois de baixar do centenar de casos nos xeriátricos en véspera de Noiteboa, o balance ofrecido polas autoridades sanitarias este xoves 7 de xaneiro eleva a 204 os casos de covid-19 en centros de maiores. 

E é que, respecto dos datos comunicados o mércores, hai 63 casos de coronavirus máis debido a que os 78 positivos diagnosticados contrastan coas 15 altas rexistradas. 

Os novos casos concéntranse maioritariamente en dous centros que protagonizan os dous últimos brotes detectados en residencias. Trátase da Residencia Paz y Bien de Tui, que notifica 33 casos de covid-19, e a Residencia de Ribeira, na que 18 positivos elevan o global a 19 usuarios afectados. 

Este último centro xa iniciou a campaña de vacinación contra a covid-19 coa recepción da primeira dose de usuarios e traballadores. 

Ademais, tamén se detectaron novos contaxios na residencia DomusVi de Vimianzo, o centro de maiores máis afectado pola pandemia en Galicia nestes momentos. Así, 15 novos casos deixan o cómputo total en 70 neste centro, que notifica tamén seis altas. 

A estes novos positivos hai que restar as altas das que informa Política Social este xoves. Son un total de 15 repartidas en sete centros: DomusVi Vimianzo (6), Nosa Señora das Virtudes de Pontedeume (1), San Bartolomeu de Xove (2), Residencia La Saleta de San Cristovo de Cea (1), Covelo (1), Moledo de Vigo (1) e CRAPD Vigo II (2). 

Así mesmo, hai que descontar do cómputo unha persona falecida nas últimas horas, un home de 75 anos residente no centro Moledo de Vigo. 

Con estes datos, o centro máis afectado en Galicia continúa sendo a residencia DomusVi de Vimianzo, que conta agora con 70 casos activos entre os seus usuarios. 

En segundo lugar sitúase agora a Residencia Paz e Ben de Tui con 33 contaxiados, seguida pola San Bartolomeu de Xove, con 23; e as residencias de Ribeira e Hospital Asilo San Sebastián e San Lázaro de Ribadeo, que contabilizan ambos os 19 casos. 

Pola súa banda, na Modelo de Vigo hai 11 maiores contaxiados. Con oito usuarios está a residencia da Pastoriza, mentres que Santa Teresa Jornet da Coruña ten sete, mientra que A Saleta de San Cristovo de Cea e o CRAPD Vigo II teñen catro, respectivamente. Con dous positivos figura a residencia Santa Tecla da Guarda. 

Finalmente, contan cun enfermo entre os seus usuarios a residencia de maiores de Burela, os apartamentos tutelados San Bartolomeu de Xove, a Pontevedra de Vilaboa e a Vila do Conde de Gondomar.

TRABALLADORES CONTAXIADOS. Por outra banda, a cifra de traballadores de xeriátricos contaxiados mantense en 88 despois de producirse o mesmo número de positivos que de altas, 4. 

Os novos contaxios corresponden ás residencias DomusVi de Vimianzo (2), Residencia de Ribeira (1), Residencia Paz e Ben de Tui (1); mentres que as altas foron nos cadros das residencias Covelo (1), DomusVi Ribadumia (1) e Moledo de Vigo (2). 

Por centros de maiores, o maior número de traballadores con coronavirus está en DomusVi Vimianzo, con 17 --dous máis--, e San Bartolomeu de Xove, con 12. Séguenlle a residencia DomusVi Ribadumia, con cinco --uno menos--, mesmo número que ten o CRAPD Vigo II. 

En canto aos centros de atención á discapacidade (CAPD) mantéñense sen usuarios afectados. Con todo, hai tres traballadores contaxiados --un menos que no parte anterior--: dous do Centro de Atención a Persoas con Discapacidade da Coruña, un da Residencia Fogar San Rafael (Vigo). 

Comentarios