Por outra banda, a poucos minutos das catro e media da tarde, o 112 tamén foi informado doutro incendio nunha cociña, no concello de Burela.
Foi un particular o que chamou ao 112 Galicia para informar do lume, nun edificio da rúa Río Xunco. Datos que os xestores do CIAE-112 facilitaron aos Bombeiros de Barreiros, ao GES de Cervo, á Garda Civil, a Protección Civil e ao 061.
Posteriormente, os Bombeiros de Barreiros indicaron que ardeu a cociña da vivenda, na súa totalidade, e que tiveron que realizar tarefas de ventilación. Con todo, non houbo que lamentar danos persoais.