Un total de 11 tripulantes da palangreiro Punta do Xuncos seguen confinados no porto de Burela após de rexistrarse oito positivos por Covid-19 entre os mariñeiros e mantéñense á espera de someterse a unha segunda PCR, que se lles practicará este sábado.
O alcalde de Burela, Alfredo Llano, explicou que o barco tivo que volver a porto a semana pasada ante a sospeita dun caso da enfermidade e que, nas primeiras probas realizadas, oito arroxaron un resultado positivo.
Dos 15 tripulantes, catro están actualmente nos seus domicilios en corentena porque deron negativo de inicio e mantéñense á espera de poder saír a faenar de novo.
Os outros 11 seguen na embarcación e, cando se coñezan os resultados da nova PCR o vindeiro luns, tomarase unha decisión sobre se deben continuar illados no barco ou se poden desprazarse aos seus domicilios. Algúns dos tripulantes, indicou Llano, son da zona pero outros non.