sábado. 17.04.2021 |
El tiempo
sábado. 17.04.2021
El tiempo

Estancadas as negociacións entre Alcoa e a Sepi a tres semanas de que termine o prazo

Vista de la factoría de Alcoa. JOSÉ Mª ÁLVEZ
Vista de la factoría de Alcoa. JOSÉ Mª ÁLVEZ
Ambas as partes están "enredadas" pola situación financeira do grupo GFG Alliance, ao que pertence Liberty, segundo a CIG 

As negociacións entre a multinacional estadounidense Alcoa e a sociedade estatal de participacións industriais (Sepi) para a venda da planta de aluminio de Cervo están estancadas a pouco máis de tres semanas de que termine o prazo establecido –o 30 de abril–, segundo constataron este martes as partes convocadas polo Ministerio de Industria a unha reunión de seguimento sobre o proceso. 

Por unha banda, o vicepresidente económico e conselleiro de Economía, Francisco Conde, sinala que o encontro concluíu "sen avances", polo que pide á empresa e ao Goberno central que "dean a máxima axilidade posible ás negociacións en curso para pechar canto antes un acordo de venda da planta de San Cibrao". 

Na cita, telemática e á que non estaba convocada Alcoa, participaron os sindicatos e o comité de empresa, que declinou pronunciarse ata este mércores, despois de analizar o contido da reunión. 

"Trasladamos ao Goberno a necesidade de dotar de axilidade este proceso de negociacións e de que haxa un compromiso de transparencia por parte de Alcoa e da Sepi para concretar un acordo de venda e trasladar certidumbre aos traballadores antes do 30 de abril", destaca a consellería que dirixe Conde. 

A través dun comunicado de prensa, subliña que tanto Alcoa como a Sepi "teñen que pechar canto antes un acordo de compra-venda que certifique a viabilidade da planta de San Cibrao". 

Neste contexto, Conde apelou "ao diálogo e o entendemento", e "a traballar de forma conxunta para que a operación de venda da planta da Mariña conclúa coa mellor das noticias".

Pola súa banda, a CIG tamén demanda ao Executivo central "acelerar as negociacións" para que a fábrica de San Cibrao estea "en mans" da Sepi "antes de terminar o mes". 

A central reclama aos gobernos "consumar feitos e realidades" para garantir a continuidade produtiva e dos empregos en San Cibrao. 

Concreta a CIG que as partes están agora "enredadas" na situación financeira do grupo GFG Alliance, ao que pertence Liberty, a compañía interesada en facerse coa factoría. 

Pola súa banda, o secretario xeral da CIG, Paulo Carril, considera "indispensable" que a fábrica de aluminio "quede baixo control da Sepi antes de terminar o prazo de negociacións", aínda que o comprador final "non sexa Liberty". "Só así se poderá abordar a procura dunha nova propiedade coa tranquilidade e seguridade de manter a produción e os empregos", advirte. 

Nesta liña, Carril instou á Sepi a buscar "compradores alternativos", debido ás "dúbidas financeiras que xera nestes momentos GFG Alliance".

UN PROCESO FRUSTRADO. Durante 2020, o Goberno xa negociou con Alcoa para tratar de que frutificase unha operación de compra-venda relativa ás instalacións de Cervo que resultou frustrada. 

Por entón, a multinacional tiña a intención de levar adiante un despedimento colectivo para máis de 500 traballadores que o comité e os sindicatos levaron á xustiza, que terminou por impedilo. 

XUNTA. Pola súa banda, o vicepresidente económico da Xunta de Galicia e conselleiro de Economía, Empresa e Innovación, Francisco Conde, pediu este martes a Alcoa e ao Goberno de España que lle "den a máxima axilidade posible ás negociacións en curso para pechar canto antes un acordo de venda" da fábrica de aluminio primario de San Cibrao. 
 

Estancadas as negociacións entre Alcoa e a Sepi a tres semanas de...
Comentarios