As autoridades sanitarias solicitaron ás residencias de maiores da Mariña que suspendan as "visitas, saídas e novos ingresos" como medida preventiva ante o rebrote de coronavirus detectado esta semana en Xove.
Fontes da Consellería de Política Social indicaron que non hai ningún caso nas residencias e que a medida das autoridades médicas adóptase por prevención e para controlar el alcance del brote.
A petición afecta a todo tipo de centros, calquera que sexa a súa titularidade, e manterase mentres se trata de determinar o alcance do foco e en función da evolución do mesmo, aínda que en principio se fixou como horizonte temporal o luns.
Pola súa parte, a Deputación de Lugo xa informou da suspensión de visitas e saídas nos centros de atención a maiores de titularidade provincial de Ribadeo e Trabada.
Tamén por prevención, os centros de Pol e da Fonsagrada retroceden á fase 1 da desescalada, o que implica restricións de acceso ás residencias de persoal alleo aos centros e medidas de seguridade máis estritas.
"Cremos que debe primar a prudencia e a anticipación sempre que estea ao noso alcance, por iso tomamos esta decisión para minimizar o risco de contaxio e protexer ós nosos maiores”, explicou o Deputado de Promoción Económica e Social, Pablo Rivera Capón.
