O cerco galego desprazouse á costa asturiana en busca de bocarte, despois de que a comezos desta semana se rexistrase un importante cardume en augas da Mariña lucense.
En declaracións a Europa Press, o xefe de vendas da lonxa de Celeiro, Nicasio Arrizado, explica que este mércores "o groso da frota" trasladouse a zona asturiana, como Xixón, Avilés e Ribadesella.
"O peixe desapareceu de aquí, e correu toda a frota para o leste", explica, despois de "dous días" con preto de 200 toneladas de bocarte descargadas en Celeiro por 22 embarcacións, onde se alcanzaron prezos de entre 1,20 e 2,90 euros por quilo.
Pola súa banda, en Burela este mércores "xa non hai nada" de descargas de bocarte, segundo indica a Europa Press o xefe de cancha da lonxa, Xusto García.
Uns 65 cerqueiros descargaron o luns pasado en Burela unhas 400 toneladas de bocarte, no día grande de capturas na zona, no que se acadaron prezos entre os 1,10 e os 5 euros por quilo.
