O alcalde da Pontenova, Darío Campos Conde, acompañado da concelleira de servicios sociais, Isabel Couto González, homenaxearon á veciña de Dodrín Aurelia Casais Rivas, que vén de cumprir cen anos.
Nesta agarimosa celebración estivo acompañada de toda a súa familia, comezando coa súa filla Carmen, o seu neto Anselmo Basanta e o seu bisneto Victor.
O concello da Pontenova suma así unha nova centenaria no seu censo. Darío Campos desexoulle a Aurelia que siga gozando de moita saúde para seguir cumprindo anos.