jueves. 20.02.2020 |
El tiempo
jueves. 20.02.2020
El tiempo

Ribeira de Piquín despide á súa avoa, Pilar Fernández, de 104 anos

Pilar Fernández Portela. EP
Pilar Fernández Portela. EP
Pilar era un dos poucos veciños que quedaba na Ponte de San Xurxo

Ela mesma presumía de ser a avoa de Ribeira de Piquín. Apoiada no seu andador, seguía activa e coa mente áxil. Din os que a coñecían ben que recordaba tanto o que pasara hai catro anos como o de hai 40. "Era historia viva", din dunha muller que cedeu os terreos onde hoxe se emplaza o consistorio de Ribeira de Piquín, un dos concellos máis novos da provincia de Lugo.

Pilar Fernández Portela, viúva de Avelino Otero Gómez, tiña 104 anos de idade e era dos poucos veciños que quedaban na Ponte de San Xurxo, un deses paraísos escondidos de Ribeira de Piquín rodeados de verde.

Persoa amable, recibía sempre a tódolos visitantes con cariño e "daba todo o que tiña sen pedir nada". Humilde e agarimosa, viviu toda a súa vida no lugar da Ponte de San Xurxo e traballou no campo. Moito.

Pilar tiña tres fillos, Amor, Lita e Avelino, cinco netos (Manoli, Estefanía, Alejandro, Iván e Lara) e seis bisnetos (Fernando, Miguel Carlos, Sergio Zacarías, Inés, Julia e Carmen). E este domingo estará acompañada por todos para ser despedida na súa igrexa parroquial de San Xurxo. O funeral está previsto para as 17.30 horas e a continuación depositaranse as cinzas no panteón familiar. C.A.

AGRADECEMENTO. A familia da finada María Amparo Fernández Abelleira (q.e.p.d.), ante a imposibilidade material de contestar ás numerosas testemuñas de pésame, agradece por este medio a asistencia aos actos de funeral e enterro celebrados o pasado venres, día 27, en Santo Estevo de Loentia (Castro de Rei), e as mostras de condolencia recibidas.

Ribeira de Piquín despide á súa avoa, Pilar Fernández, de 104 anos
Comentarios