O proxecto artístico As Pontes enPezas, que impulsa o Concello pontés para humanizar e mellorar a estética da vila, está a recoller propostas para decorar os pasos de peóns.
Ata o vindeiro día 3 de agosto, as persoas interesadas en colaborar e presentar a súa idea poden facelo achegándose ata a biblioteca municipal para deixar por escrito a súa contribución, xunto aos seus datos persoais, ou facelo a través do código QR que se pode atopar na web ou nas redes sociais da iniciativa.
"Axúdanos a cubrir os pasos de peóns con frases, versos, pensamentos, microrrelatos ou calquera outra forma de escrita breve", indica a campaña, na que os únicos requisitos a cumprir son que a proposta teña entre 15 e 85 caracteres e que sexa orixinal e non unha copia doutro autor.
Para máis información sobre o proxecto ou sobre esta iniciativa pódese visitar a web enpezas.aspontes.org ou remitir un correo a [email protected].