Os Carunchos despediron este domingo coas súas melodías o XLII Festival de Pardiñas, para cuxo fin de festa Xermolos promoveu un pasaaldeas e un vermú con música tradicional na contorna da casa das artes desta parroquia guitiricense.
Así foi o broche de ouro a sete intensas xornadas de actividades, que arrincaron o 1 de agosto coa presentación do festival e un concerto de Adrián Vigo, e completáronse con máis música ou as tradicionais mostras de instrumentos e de artesanía.
