O músico Juan Castro Lodeiro presenta este xoves no Centro Cultural e Recreativo de Vilalba o seu novo libro, Aquí non pasa nada. Historias musicais de Lugo. A cita, que dará comezo ás 20.00 horas, contará coa actuación do grupo local Irmandades do Falo, formado por músicos vencellados á Banda de Música de Vilalba e ao conservatorio municipal da capital chairega.
A publicación, editada coa colaboración do Servizo de Publicacións da Vicepresidencia da Deputación, recolle a historia da creación musical na cidade de Lugo e, tamén, no resto da provincia, deténdose en músicos, bandas, locais e festivais que protagonizaron a vida musical lucense nas últimas décadas.
O acto forma parte dunha xira de presentacións-concerto promovidas polo organismo provincial co obxectivo de contribuír na difusión do libro, así como apoiar a músicos e grupos locais. Lugo e Foz foron as primeiras paradas deste tour que continúa hoxe na capital da Terra Chá.
Sarria, o 4 de maio, Chantada, o 5, e Monforte de Lemos, o 6, serán as seguintes puntos onde Juan Castro Lodeiro presente Aquí non pasa nada. Historias musicais de Lugo.