A igrexa parroquial de Santa María de Meira foi un escenario privilexiado dun concerto que deu onte Carlos Núñez. A actividade encadrouse nos actos programados para celebrar o décimo aniversario da confraría Nosa Señora do Pedregal.
A actuación no Mosteiro forma parte da xira Lugares Máxicos, que ten como obxectivo xuntar espazos simbólicos de toda Galicia coa fusión musical que o vigués realiza ao sumar múltiples culturas co son da gaita como punto forte dos seus directos.
Esta é a terceira edición desta serie de concertos ofrecidos en contornas singulares onde Núñez desenvolvento repertorios que vai adaptando a cada espazo no que se presenta xunto cos diferentes intérpretes da música celta que lle acompañan para cada evento.
