viernes. 28.02.2020 |
El tiempo
viernes. 28.02.2020
El tiempo

Iván Díaz: "Capturamos algo máis de 6.000 raíñas de velutina no último ano"

Iván Díaz, presidente da asociación de apicultores Serra da Carba. M.MANCEBO
Iván Díaz, presidente da asociación de apicultores Serra da Carba. M.MANCEBO
A asociación de apicultores Serra da Carba, en colaboración co Concello de Vilalba, inicia un ciclo de charlas por varias parroquias do municipio para achegar aos veciños información sobre a problemática da velutina

Que obxectivo ten esta actividade?
Xa a fixemos o ano pasado. A idea é poder informar aos veciños sobre os ciclos da vespa velutina para que se impliquen nesta problemática e no trampeo, ademais de dar conta dos resultados acadados na última campaña.

Que tal foron as cifras?
Moi boas. No último ano capturamos algo más de 6.000 raíñas, o que supón que evitamos ao redor de 6.000 potenciais niños. O persoal que se encarga da retirada deles confirmounos que sacaron máis ou menos a metade que no ano anterior.

En que consiste a colaboración co Concello?
Ademais de falar coas asociacións, dende o Concello tamén facilitan as trampas e compran o atraínte que se reparte entre os interesados ao final do ciclo de charlas e de cara a primavera.

Este xoves será o primeiro encontro na escola habaneira de Santaballa, pero haberá máis.
Si, todas serás ás 20.30 horas. Esta tarde citarémonos cos veciños e Santaballa e o venres cos de Belesar. O mércores 19 iremos á escola da Torre; o 20, a da Pedragosa en San Simón; o 21, á casa escola de Nete; o 25, a Corvelle; o 27, a Árbol, e o 28 daremos a última no Centro Cultural e Recreativo de Vilalba.

Ademais desta iniciativa, a asociación tamén promove outras actividades.
Si, celebramos hai uns meses unha charla sobre o conflito da utilización de lodos para abonar e tamén fixemos un resumo do trampeo e unha cata de meles. A idea é promover ao longo deste ano algún curso sobre apicultura.

Iván Díaz: "Capturamos algo máis de 6.000 raíñas de velutina no...
Comentarios