A peña deportivista Bebel García nacía hai tres anos, tomando para si o nome dun dos Irmáns da Lexía, un xogador do Real Club Deportivo de La Coruña apresado na parroquia guitiricense de San Mariña, onde se ergueu un monumento na súa memoria e na de seus irmáns Jaurés e France. A pandemia impediu celebrar a súa creación como tal acontecemento se merecía, polo que houbo que esperar a que se dese o instante propicio.
E ese momento tivo lugar no pub Xoldra de Guitiriz, que ademais é a sede da peña, esta semana, cunha animada festa que contou ademais coa asistencia de xogadores e xogadoras do Dépor: Quiles, Raúl Villares e Aroa Guerra, dos primeiros equipos, e a guitiricense María Calvo, que milita no Dépor B. O concorrido acto completouse coa entrega dun diploma por parte da federación de peñas.
A peña Bebel García, que preside Suso Figueira, conta xa con máis de de 40 integrantes e da súa directiva tamén forman parte Xosé Lois González Souto Pereira, Marcos Alvariño, Patricia Fraga, María Vázquez Cebeira, Eva Vázquez, Gonzalo de la Torre e Chito Corbelle.
Hoxe por fin inaugurouse a @PenhaBebelGuiti cun ambiente de deportivismo fantástico que da mostra que a afecion está a tope co sentimento branquiazul!Noraboa pola vosa adicación e compromiso infinitos!💙💙🤩👏👏
— FPDeportivistas (@fpdeportivistas) November 9, 2022
Grazas @Albertoquiles9 e @diegovillares8 por achegarse e compartir🙌 pic.twitter.com/azxXfi9ZDm
A presenza de xogador@s do @RCDeportivo na inauguración da @PenhaBebelGuiti con Aroa Guerra e María Calvo para sumarse á festa en terras lucenses. E é que o Depor non ten fronteiras,éxito total deportivistas presentes hoxe en Guitiriz!Grazas á directiva por un trato espectacular pic.twitter.com/SLcgzLG138
— FPDeportivistas (@fpdeportivistas) November 9, 2022