A asociación de empresarios Sete Pontes de Vilalba e a gandería Fraga do Coto, xunto con Asoporcel, promoven a celebración das II Xornadas Gastronómicas da Raza Porco Celta de Vilalba, logo do grande éxito acadado pola primeira convocatoria. Nesta ocasión, 17 establecementos de hostalaría da capital chairega sumáronse á iniciativa, que se desenvolve dende este xoves, día 21, ata o domingo 24.
Os locais ofrecen a súas tapas, das que os promotores destacan a gran variedade, a un prezo único de 2,5 euros, aínda que a maiores varos dos establecementos tamén poden ofrecer racións ou incluir os produtos do porco celta no menú.
O horario de degustación está fixado de 13.00 a 15.00 e de 20.00 a 23.00 horas, tal e como precisaron Manuel Silvosa, de Sete Pontes, e Saúl Rouco Trastoy, de Fraga do Coto, na presentación dunhas xornadas que buscar pór en valor e promocionar unha que conta co distintivo de 100% autóctona.
