jueves. 28.10.2021 |
El tiempo
jueves. 28.10.2021
El tiempo

A Escola de Movemento presenta 19 coreografías no clasificatorio do Mundial de danza

Unha das coreografías da Escola de Movemento de Vilalba. EP
Unha das coreografías da Escola de Movemento de Vilalba. EP
Un total de 67 nenos e nenas, a partir dos catro anos, participan este venres, día 4, nesta fase, que estrea formato para adaptarse ao covid

Logo dunha longa tempada sen apenas actividade, a ilusión volveu encher a sala de baile da Escola de Movemento de Vilalba, que está a ultimar as 19 coreografías que un total de 67 nenos e nenas, con idades comprendidas entre os catro e os 22 anos, defenderán esta semana, no auditorio vilalbés, na fase de clasificación do Mundial 2021 de danza.

"Presentamos coreografías nas catro categorías de idade existentes, Mini, Children, Junior e Senior", explica Noelia Blanco, a directora da escola, que tamén aclara que competirán en nove das doce modalidades oficiais: Ballet, Ballet Repertorio, National, Jazz, Showdance, Lyrical, Contemporary, Acro, Song and Dance, Tap, HipHop e Comercial.

Carla Mosteiro presentará senllos sós en Ballet e Contemporáneo, mentres que o resto das coreografías serán en grupos dos cinco aos 20 integrantes

A convocatoria deste ano ten un formato completamente distinto para adaptarse á realidade covid. Así, unha delegación da WorldCup Qualifiers está a gravar por zonas as coreografías participantes e este venres, día 4, será o turno da Escola de Movemento de Vilalba. Unha vez recollan as creacións de todos os inscritos, farán unha edición por categorías e modalidades, que se emitirá online do 25 ao 27 de xuño, para que o xurado poida puntuar cada proposta. 

Coreografía da Escola de Movemento de Vilalba. EP

A Escola de Movemento presenta 19 coreografías no clasificatorio do...
Comentarios