O Concello de Cospeito promove un amplo programa de actividades para o Nadal

Arrancou co encendido do alumeado navideño o fin de semana e coa entrega de premios do certame Torre de Caldaloba 
Encendido navideño en Cospeito. EP
photo_camera Encendido navideño en Cospeito. EP

O Concello de de Cospeito promove un amplo programa de actividades para o Nadal, que arrancou co encendido do alumeado o fin de semana e coa entrega de premios do certame de poesía Torre de Caldaloba. Lecernadal ofrecerá propostas ata o día 10.

O venres 20, o pavillón de Feira do Monte acollerá a festa infantil de 18.00 a 21.00 horas e o luns 23 será a quenda do obradoiro de Nadal na casa da cultura de Muimenta. Ademais, o domingo 22 haberá unha visita de Papá Noel á casa da cultura de Feira do monte. Será ás 18.00 horas.  

O 27 terá lugar o Proxecto Ludus de 16.00 a 20.00 horas, que inclúe proxección de cine, obradoiro de Nadal, unha merenda e un encontro de xadrez. Ademais, o día 30 está programada outra proxección de cine na casa da cultura de Muimenta ás 17.00 horas. 

 Ademais, dentro da programación, o día 28 haberá un Festival de Panxoliñas, que será ás 21.00 horas na casa da cultura de Feira do Monte. E tamén haberá ese día bingo para nenos e para adultos. O 10 esta actividade trasladarase ao centro de día de Cospeito ás 11.45 horas. 

O día 2, está programado o proxecto Auspicium, no Museo das Aves, ás 16.00 horas, e o día 3 haberá outra visita, a da súa maxestade Melchor, que visitará o centro de día ás 15.30 horas. E o día 5, serán os tres Reis Magos os que recibirán aos nenos no pavillón de Feira do Monte, ás 17.00 horas. Tamén estarán os paxes reais, haberá animación en vivo, agasallos, carrozas e chocolate con churros para todos os presentes. 

Comentarios