lunes. 25.05.2020 |
El tiempo
lunes. 25.05.2020
El tiempo

Atopan morto na súa casa un veciño de Vilalba tras días sen ter noticias del

Un coche da Guardia Civil. ARCHIVO
Un coche da Guardia Civil. ARCHIVO

Axentes da Garda Civil atoparon na tarde de onte a un sexaxenario falecido no interior da súa casa do casco urbano de Vilalba, tras alertar os seus familiares e coñecidos de que levaban varios días sen velo ou sen poder poñerse en contacto con el.

O home residía só no baixo dun antigo edificio da Rúa das Pontes, que está dividido en varias vivendas en aluguer. Tras intentar localizalo sen éxito e preocupados por se podía terlle pasado algo, as forzas de seguridade forzaron a porta para poder acceder ao interior do domicilio, onde xa o atoparon sen vida.

A Garda Civil mantén aberta unha investigación para determinar as causas da morte, que se tería producido hai xa varios días. Todo parecía indicar que o falecemento se debeu a causas naturais, posto que nunha primeira inspección non se aprezaron indicios de violencia nin se acharon evidencias que fixesen pensar o contrario.

Aínda así, para descartar outras posibilidades, o falecido foi trasladado ao hospital Lucus Augusti para practicarlle a pertinente autopsia e ata o seu domicilio tamén se desprazaron efectivos da Policía Xudicial co obxectivo de inspeccionar a casa e recabar posibles probas.

Ata o lugar tamén se mobilizou a Policía Local, que tivo que regular o tráfico no momento da intervención dos servizos funerarios.

Atopan morto na súa casa un veciño de Vilalba tras días sen ter...