Jueves. 15.11.2018 |
El tiempo
Jueves. 15.11.2018
El tiempo

A Sintonía de Sancovade recadou 800 euros no seu décimo aniversario

Sintonía de Sancovade. C.ARIAS
Sintonía de Sancovade. C.ARIAS

Os fondos son para a asamblea local de Cruz Vermella de Vilalba 

A orquestra vilalbesa Sintonía de Sancovade demostrou, unha vez máis, que festa e solidariedade poden ir  dan man. Na conmemoración do seu décimo aniversario, a formación de playback que anima cada recuncho
que se propón recadou 805,65 euros para a asemblea local de Cruz Vermella en Vilalba nunha festa que foi "un éxito".

"Houbo moitísima xente. Non contabamos con tanta. Temos que dar as grazas ao bo tempo e a facer a celebración nunhas datas con tanta tradición de festa como é a Guadalupe", explicaron dende a formación vilalbesa, ao tempo que tamén destacaron o seu traballo.

"La cifra es muy buena y siempre lo digo, grano a grano se hace el granero», indicou Carlos Cea, o responsable de Socorros e Emerxencias de Cruz Vermella en Vilalba. 

O sábado houbo misa na capela de Guadalupe, procesión, pasarrúas co grupo de gaitas Mato Vizoso, sesión vermú con Buxos Verdes e coa propia Sintonía de Sancoave e pola noite subíronse ao escenario Batifoula, Mestura de Nete, Manoli Silva e outra vez os organizadores. "A festa seguiu o domingo pola ofrenda dun devoto e  houbo música a mediodía e pola noite. Estamos moi contentos. Para nós foi unha fin de semana excelente", destacaron os membros da orquestra.

Persoal de Cruz Vermella, na festa do décimo aniversario da Sintonía de Sancovade. C.ARIAS

A Sintonía de Sancovade recadou 800 euros no seu décimo aniversario
Comentarios